Ahmad Faraz: Is se pahle ki bewafa ho jaayen

"Is se pahle ki bewafa ho jaayen" by Ahmad Faraz

is se pahle ki bewafa ho jaayeN
kyuuN na aye dost ham judaa ho jaayeN

tuu bhii hiire se ban gayaa patthar
ham bhii kal jaane kyaa se kyaa ho jaayeN

ham bhii majbuuriyoN ka uzr kareN
phir kahiiN aur mubtilaa ho jaayeN

ab ke gar tuu mile to ham tujhse
aise lipTeN terii qabaa ho jaayeN

bandagii hamne chhoD dii Faraaz
kyaa kareN log jab Khudaa ho jaayeN

Poet: Ahmad Faraz